محترم حضرت حکیم صاحب السلام علیکم! عبقری رسالہ پڑھتے چار سال ہوگئے ہیں‘ مجھےاس میں سے بہت کام کی باتیںملتی ہیں‘ بہت لاجواب وظائف اور آزمودہ نسخہ جات سے زندگی میںآسانیاں بھرگئی ہیں۔ میں نے کئی ٹوٹکے اور نسخہ جات آزمائے بہت فائدہ پایا۔ میرے پاس بھی ایک انتہائی کامیاب او ر آزمودہ نسخہ ہے جو میں قارئین عبقری کی نذر کرنا چاہتی ہوں۔ جس کسی کو ریشہ‘نزلہ‘ زکام ہو وہ چائے بناتے وقت ایک چٹکی خشخاش کی ڈال دے‘ یعنی دودھ‘ چینی‘ پتی‘ پانی ڈال کر چائے بنائیں اور ایک چٹکی خشخاش ڈال کر ابالیں۔ چھان کر پی لیں‘ نزلہ‘ زکام ختم ہوجائے گا۔ جب میرے بچے چھوٹے تھے میں تب سے کررہی ہوں‘ کامیاب عمل ہے۔ (ش‘ راولپنڈی)